ខ្សែភាពយន្តនិងតុក្កតាល្បីៗ នឹងស្ថិតនៅលើចង្អុលដៃរបស់អ្នក តាមរយៈ Viki លើ Samsung Smart TV

អត្ថបទក្រុមហ៊ុន – រាជធានីភ្នំពេញ ព្រះរាជាណាចក្រកម្ពុជា–ក្រុមហ៊ុនអេឡិចត្រូនិក Samsung បានប្រកាសនៅសន្និសីទ Samsung អាស៊ីអាគ្នេយ៍ ប៉ាស៊ីហ្វិក និងតៃវ៉ាន់ ឆ្នាំ ២០១២ នាទីក្រុងបាងកក ថានឹងផ្តល់ជូនអតិថិជន Smart TV របស់ខ្លួននូវមាតិកាល្អៗប្រកបដោយគុណភាពខ្ពស់បន្ថែមទៀត ជាមួយ Viki ដែលជាគេហទំព័រវីឌីអូអន្តរជាតិសម្រាប់ប្រមូលផ្តុំនូវកម្មវិធី ទូរទស្សន៍និងខ្សែភាពយន្តល្អៗក្នុងពិភពលោក និងបង្កើតជា Subtitle ជាង ១៥០ ភាសា ។

លោក Gwihan Lee អគ្គនាយកក្រុមហ៊ុន Thai Samsung Electronics Co., Ldt., នៃតំបន់ឥណ្ឌូចិន បានមានប្រសាសន៍ថា “កាលពីមុន Viki មានតែនៅលើ Samsung Apps របស់ទូរស័ព្ទដៃតែប៉ុណ្ណោះ តែពេលនេះ ដោយមានការសហការជាដៃគូជាមួយ Viki អតិថិជនទាំងអស់អាចទស្សនាកម្មវិធីទូរទស្សន៍ ខ្សែភាពយន្ត និងព័ត៌មានកម្សាន្ត ជុំវិញពិភពលោក ជាមួយ Subtitle ជាច្រើនភាសានៅលើទូរទស្សន៍ Smart TV ដោយផ្ទាល់ ។ ឥឡូវនេះ ជាមួយកម្មវិធី Viki Premiere App សម្រាប់ Samsung អតិថិជន Smart TV អាចទស្សនាភាពយន្តកូរ៉េ តុក្កតាជប៉ុន ខ្សែភាពយន្តល្បីៗក្នុងពិភពលោកដែលទទួលបានពានរង្វាន់ និងកម្មវិធីជាច្រើនទៀត ដោយឥតគិតថ្លៃ និងបកប្រែជាភាសាតាមជម្រើសរបស់ខ្លួន“ ។

Viki មានមាតិកាវីឌីអូសាកលដែលបានបកប្រែរួចជាច្រើននៅជុំវិញពិភពលោក និងមានដៃគូមាតិកាសម្រាប់ KPop Service App ដែលមានការសហការពី Samsung និងក្រុមហ៊ុនតន្ត្រីកូរ៉េល្បីៗ ជាច្រើនទៀត ។ ការសហការនេះ នាំមកនូវវីឌីអូ តន្ត្រី និងវីឌីអូឃ្លីបនៃការប្រគំតន្ត្រី របស់សិល្បករតន្ត្រីកូរ៉េដែលមានប្រជាប្រិយភាព បង្កើតបានជាបទពិសោធន៍ដ៏ល្អសម្រាប់អ្នកប្រើប្រាស់នៅលើ KPop ។ កម្មវិធី KPop Service App ផ្តល់ជូនផ្តាច់មុខនៅលើកម្មវិធីSamsung Apps ។

ភាពជាដៃគូថ្មីនេះគឺស្ថិតនៅក្នុងយុទ្ធសាស្ត្រនៃមាតិការបស់ Samsung និងជាជម្រើសនៃកម្មវិធីទូរទស្សន៍ Smart TVដែលក្រុមហ៊ុន Samsung អនុញ្ញាតឲ្យអតិថិជនអាចដំណើរការទៅកាន់មាតិកាល្អៗជាច្រើនដែលមានជាង ១,៥០០កម្មវិធី ទូទាំងពិភពលោក ។ កម្មវិធី Viki Premiere App នឹងអាចទាញយកដោយឥតគិតថ្លៃតាមកម្មវិធីSamsung Apps លើទូរទស្សន៍ Smart TV ចាប់ពីដើមខែមីនា ឆ្នាំ២០១៣ នៅទូទាំងតំបន់អាស៊ីអាអាគ្នេយ៍ ៕

Milan Tomic

Hi. I’m Designer of Blog Magic. I’m CEO/Founder of ThemeXpose. I’m Creative Art Director, Web Designer, UI/UX Designer, Interaction Designer, Industrial Designer, Web Developer, Business Enthusiast, StartUp Enthusiast, Speaker, Writer and Photographer. Inspired to make things looks better.