អ្នកថតរូបស្ថាបត្យកម្មពន្យល់ពីរបៀបដែលគាត់អាចថតរូបដែលដាក់នៅលើក្របមុខទស្សនាវដ្ដី New York

ការផ្ដិតយករូបភាពនៅពេលយប់និងខ្វះពន្លឺ រួមទាំងការកាន់កាមេរ៉ាថតដោយដៃផ្ទាល់ពុំមានជើង (tirpod) ជាមួយនឹងភាពញ័ររញ្ជួយរបស់ឧទ្ធម្ភាគចក្រ នៅលើកំពស់ 1542 ម៉ែត្រពីដី វាមិនមែនជារឿងងាយស្រួលសម្រាប់អ្នកថតរូបនោះទេ។ ប៉ុន្តែលោក Iwan Baan អាចធ្វើបានដោយងាយស្រួល។

អ្នកថតរូបជនជាតិហុលឡង់លោក Iwan Baan ត្រូវបានគេស្គាល់គាត់ថាអ្នកថតរូបភាពក្រុង New York ក្នុងស្ថានភាពដែលបង្ហាញការដាច់ចរន្តអគ្គីសនាមួយចំហៀងក្រុងបន្ទាប់ពីព្យុះសានឌីស្ងប់ស្ងាត់មួយរយៈ ។ រូបថតត្រូវបានដាក់ជាក្របមុខទស្សនាវដី្ត New York ដ៏ល្បីល្បាញ ។ លោកបានមានប្រសាសន៍ថា “វាជាឱកាសតែមួយគត់ ដែលគាត់អាចចាប់យករូបភាពបង្ហាញពីក្រុង New York ជាទីក្រុងពីរផ្សេងគ្នា ដែលម្ខាងជាទីក្រុងដែលគួរអោយភ័យខ្លាចហើយម្ខាងទៀតជាក្រុង New York ដ៏រស់រវើក” ។

លោកបានផ្ដិតយករូបភាពខាងលើនេះកាលពីយប់ថ្ងៃពុធ បន្ទាប់ពីព្យុះ ដោយប្រើម៉ាស៊ីនថត Canon 1D Xជាមួយនឹងកែវឆ្លុះថ្មី 24-70mm ដោយប្រើ Aperture ធំបំផុត ហើយម៉ាស៊ីនថតនេះកម្រិត ISO រហូតដល់ 25,000 ISO ជាមួយនឹង Shutter speed 1/40 sec (1 ភាគ 40 វិនាទី) ។ លោកបានបន្ថែមថា “កាលពីមុនវាមិនអាចទៅរួចនោះទេ ប្រសិនបើមិនមានម៉ាស៊ីនថតមួយនេះ” ។

រូបថតម៉ាស៊ីនថត Canon 1D X

លោកបានពន្យល់ថា “ជាមួយនឹងការថតពីលើបែបនេះ អ្នកត្រូវថតអោយបានច្រើនប៉ុស្តិ៍ជាប់ៗគ្នា ឬ (ហៅថា Burst mode) ហើយចុងក្រោយអ្នកត្រូវរើសយករូបមួយដែលស្អាតហើយច្បាស់ល្អ” លោកបន្តថា “វាមិនមានភាពងាយស្រួលទេក្នុងការថត នៅពេលដែលធាតុអាកាសខាងក្រៅត្រជាក់ចង់កក ហើយឧទ្ធម្ភាគចក្រមិនមានទ្វា ហោះឆ្វែលទៅឆ្វែលមកនោះ ប៉ុន្តែអ្នកត្រូវតែផ្ចង់គំនិតរកប្លង់នៃរូបថតដែលអ្នកចង់បាន” ៕

Milan Tomic

Hi. I’m Designer of Blog Magic. I’m CEO/Founder of ThemeXpose. I’m Creative Art Director, Web Designer, UI/UX Designer, Interaction Designer, Industrial Designer, Web Developer, Business Enthusiast, StartUp Enthusiast, Speaker, Writer and Photographer. Inspired to make things looks better.