ដាក់កម្មវិធីនៅលើ Lockscreen មួយបែបទៀតជាមួយ Tweak នេះ បន្ថែមសោភ័ណ្ឌភាពអោយកាន់តែទាក់ទាញ!

នៅលើ Cydia មាន tweak ជាច្រើនដែលមកពីប្រភពខុសៗគ្នា និងអ្នកបង្កើតឡើងខុសៗគ្នា ប៉ុន្តែ Tweak ខ្លះបង្កើតក្នុងគោលបំណងលើការប្រើប្រាស់មុខងារតែមួយ ដោយគ្រាន់តែមានការប្រើប្រាស់ខុសគ្នាតែប៉ុណ្ណោះ។ នៅពេលនេះយើងក៏បានពាំនាំ tweak មួយទៀតដែលមានឈ្មោះថា Atom iOS8 ជាប្រភេទ tweak ដែលអាចអនុញ្ញាតឲ្យអ្នកដាក់កម្មវិធីដែលអ្នកតែងតែប្រើប្រាស់ជា ប្រចាំនៅលើ Lockscreen បន្ទាប់ពីអ្នកដំឡើងរួច អ្នកនឹងឃើញមានប៊ូតុងមូលមួយនៅលើ Lockscreen ដូចនេះអ្នកគ្រាន់តែសង្កត់នៅលើប៊ូតុងនោះ រួចអូសទៅលើកម្មវិធីណាមួយក៏បានដែលបានលោតចេញមកនៅលើ Lockscreen តែម្តងនៅអំឡុងពេលដែលអ្នកសង្កត់ប៊ូតុងមូលមួយនោះ វានឹងនាំអ្នកទៅកាន់កម្មវិធីដែលអ្នកបានដាក់ប៊ូតុងមូលនៅពី លើភ្លាម។

អ្នកអាចធ្វើការដំឡើងតាមវិធីខាងក្រោម៖

ចូលទៅកាន់ Cydia => Sources => Edits => Add វាយពាក្យថា http:/repo.biteyourapple.net
រួចចូលទៅកាន់កន្លែង Search វាយឈ្មោះ Atom (IOS8) បន្ទាប់ធ្វើការ Install

បន្ទាប់ពីការ Install រួចរាល់ អ្នកអាចចូលទៅកាន់ Setting បន្ទាប់អូសចុះក្រោមបន្តិច រួចចុចចូល atom បន្ទាប់ Enable វា (បើសិនជា Disable)
អ្នកអាចផ្លាស់ប្តូរកម្មវិធីដែលអ្នកចង់ដាក់នៅលើ Lockscreen បាន ដោយចុចចូលទៅកាន់ជម្រើស POSITION នៅក្រោមពាក្យ Enable atom ដែលមានដូចជា Top Left, Top Right….. ដោយអ្នកគ្រាន់តែចុចចូលទីតាំងទាំងនេះរួចធីកលើកម្មវិធីណាមួយ ដែលអ្នកចង់ដាក់បានដោយងាយ។

Tweak នេះបង្កើតឡើងក្នុងគោលបំណងដាក់កម្មវិធីនៅលើ Lockscreen ដើម្បីឲ្យអ្នកប្រើងាយស្រួលចូលទៅកាន់កម្មវិធីដែលពួកគេឧស្សាហ៍ ចូលនោះបានកាន់តែរហ័ស ដោយស្រដៀងនឹង tweak ដែលមានឈ្មោះថា BerryC8 ដែរ ប៉ុន្តែការរចនារបស់ tweak ទាំងពីរនេះមានរចនាបថខុសគ្នា ហើយការប្រើប្រាស់ស្រស់ស្អាតម្នាក់ម៉្យាង ដូចនេះអ្នកជ្រើសរើស tweak មួយនៅក្នុងចំណោម tweak ទាំងពីរនេះមកប្រើប្រាស់បាន។

Milan Tomic

Hi. I’m Designer of Blog Magic. I’m CEO/Founder of ThemeXpose. I’m Creative Art Director, Web Designer, UI/UX Designer, Interaction Designer, Industrial Designer, Web Developer, Business Enthusiast, StartUp Enthusiast, Speaker, Writer and Photographer. Inspired to make things looks better.