តម្លៃស្មាតហ្វូនម៉ូឌែល Galaxy S6 និង S6 Edge នៅទីផ្សារអ៊ីតាលីនិងស៊ុយអែត មិនថោកនោះទេ!

ដូចដែលប្រិយមិត្តមួយចំនួនបានដឹងហើយថា នៅក្នុងព្រឹត្តិការណ៍សមាជទូរស័ព្ទពិភពលោកឆ្នាំ 2015 នេះ គឺស្មាតហ្វូនដែលទទួលបានសម្លេងស្វាគមន៍ច្រើនជាងគេគឺម៉ូឌែល Galaxy S6 និង S6 Edge របស់ Samsung ដែលនឹងចេញលក់នៅខែ មេសា ខាងមុខនេះហើយ ប៉ុន្តែសម្រាប់ពេលនេះ លឺថា ទីផ្សារស្មាតហ្វូននៅប្រទេសអ៊ីតាលីនិងស៊ុយអែតបញ្ចេញតម្លៃ ដើម្បីអោយអតិថិជនអាចធ្វើការបញ្ជាទិញបានហើយ។

បន្ទាប់ពីក្រុមហ៊ុន T-Mobile បានធ្វើការបញ្ចេញនូវតម្លៃស្មាតហ្វូនទាំងពីរម៉ូឌែលនោះរួចមក គឺថាតម្លៃ Galaxy S6 និង S6 Edge នៅប្រទេសអ៊ីតាលីនិងស៊ុយអែត មិនថោកនោះទេ អាស្រ័យទៅតាមទំហំផ្ទុកទិន្នន័យរបស់វា ដែលមានបីជម្រើសសម្រាប់ម៉ូឌែលទាំងពីរនេះ រួមមាន 32GB, 64GB និង 128GB។

នៅលើទីផ្សារប្រទេសអ៊ីតាលីនិងស៊ុយអែត លោកអ្នកអាចធ្វើការបញ្ជាទិញស្មាតហ្វូន Galaxy S6 Edge ក្នុងតម្លៃ 1003 ដុល្លារ (32GB), 1121 ដុល្លារ (64GB) និង តម្លៃ 1239 ដុល្លារ (128GB)។ ដោយឡែក សម្រាប់ស្មាតហ្វូនម៉ូឌែល Galaxy S6 វិញ វាមានតម្លៃ 825 ដុល្លារ, 944 ដុល្លារ និង 1062 ដុល្លារ ជាមួយជម្រើសបីទំហំរៀងគ្នាដូចខាងលើ។

ចំពោះតម្លៃស្មាតហ្វូនទាំងពីរម៉ូឌែលខាងលើ សម្រាប់ទីផ្សារអ៊ីតាលីនិងស៊ុយអែត ឃើញថាពិតជាមិនថោកនោះទេ ហើយសម្រាប់ទីផ្សារមួយចំនួននៅជុំវិញពិភពលោក យើងក៏មិនដឹងថា ជាលក់ក្នុងតម្លៃប៉ុន្មានដែរ។ ដូច្នេះ សម្រាប់បងប្អូនប្រិយមិត្តដែលរស់នៅលើទឹកដីអ៊ីតាលីឬស៊ុយអែត អាចធ្វើការបញ្ជាទិញបានហើយ ជាមួយតម្លៃខាងលើនេះ។

Milan Tomic

Hi. I’m Designer of Blog Magic. I’m CEO/Founder of ThemeXpose. I’m Creative Art Director, Web Designer, UI/UX Designer, Interaction Designer, Industrial Designer, Web Developer, Business Enthusiast, StartUp Enthusiast, Speaker, Writer and Photographer. Inspired to make things looks better.