កាន់តែប្លែកអស្ចារ្យ ជាមួយនឹង Tweak ថ្មីស្រដៀងនឹង Assistive Touch!!

ប្រិយមិត្តប្រាកដជាធ្លាប់បានដឹង និងលឺរួចមកហើយអំពី Assistive Touch របស់ iDevice ដែលមានទ្រង់ទ្រាយជ្រុងការ៉េជាមួយនឹងរង្វង់មូលពណ៌សនៅខាងក្នុងវា។ Assistive Touch មានមុខងារពិសេសអាចអោយយើងត្រលប់ទៅកាន់ Home Screen វិញបានយ៉ាងងាយស្រួលដោយមិនចាំបាច់ចុចប៊ូតុង Home ឡើយ ព្រមទាំងមុខងារពិសេសផ្សេងៗទៀត។ កម្មវិធីមួយនេះមានប្រជាប្រិយភាពតាំងពីជំនាន់ iOS 4.3 មកម៉្លេះ ហើយវាក៏បន្តមានរហូតដល់ជំនាន់ក្រោយៗទៀតគឺ iOS8 នេះតែម្តង។

សម្រាប់ថ្ងៃនេះដែរ ខេមបូក៏មាន Tweak ដ៏ពិសេសមួយសម្រាប់បង្ហាញចែកជូនប្រិយមិត្ត ដែលវាមានរូបរាងស្រដៀងទៅនឹង Assistive Touch ដែរហើយអ្វីដែលពិសេសនោះគឺយើងអាចផ្លាស់ប្តូរវាទៅកាន់ទីតាំងណាក៏បាន។ វាមានឈ្មោះថា Assistive+ ដែលមានមុខងារស្រដៀងនឹង Assistive Touch ដែរ។ ប៉ុន្តែបើសិនជាប្រិយមិត្តចង់ត្រលប់ទៅកាន់ Home Screen វិញគ្រាន់តែចុច 1ដង ទៅលើវាជាការស្រេច។ ប្រិយមិត្តក៏អាចធ្វើការ Respring, Lock , Switcher និងមុខងារផ្សេងៗទៀតបានផងដែរ ជាមួយនឹង Tweak មួយនេះ។

ប្រិយមិត្តអាចតម្លើងវាបានដោយគ្រាន់តែអនុវត្តតាមការណែនាំដូចខាងក្រោម៖

តម្រូវការ

រាល់ iDevice ទាំងអស់ ដែលដំណើរកា1គ្រប់ប្រព័ន្ធប្រតិបត្តិការណ៍ iOS 8 ឡើងទៅ
មានការ jailbreak ត្រឹមត្រូវ និងមានតម្លើង Cydia រួចជាស្រេច

របៀបតម្លើង និងរបៀបប្រើប្រាស់ :

សូមចូលទៅកាន់ Cydia រួចធ្វើការ Add Source http://cydia.myrepospace.com/camboreporteam
ប្រសិនបើប្រិយមិត្តមាន Source រួចហើយ សូមធ្វើការ Refresh
សូមចូលទៅកាន់ Cydia រួចធ្វើការស្វែងពាក្យ “Assistive+” (CamboReport Logo) រួចធ្វើការតម្លើងជាការស្រេច
បន្ទាប់ពីធ្វើការតម្លើងចប់ សូមធ្វើការ Respring Device របស់ប្រិយមិត្ត
បន្ទាប់មកវានឹងដំណើរការដោយស្វ័យប្រវត្តិ ហើយប្រិយមិត្តក៏អាចកែសម្រួលមុខងាររបស់ Tweak មួយនេះបានផងដែរ ដោយគ្រាន់តែចូល Settings > Assistive+ ។

ជាចុងក្រោយក្រុមការងាររបស់ខេមបូសូមអរគុណដល់ប្រិយមិត្តដែលតែងតែគាំទ្រដល់ខេមបូនឹងខិតខំស្វែងរកកម្មវិធីពិសេសៗជាច្រើនដើម្បីចែកជូនប្រិយមិត្តនៅពេលក្រោយទៀត។

Milan Tomic

Hi. I’m Designer of Blog Magic. I’m CEO/Founder of ThemeXpose. I’m Creative Art Director, Web Designer, UI/UX Designer, Interaction Designer, Industrial Designer, Web Developer, Business Enthusiast, StartUp Enthusiast, Speaker, Writer and Photographer. Inspired to make things looks better.