លាក់ Tab ណាមួយនៅក្នុងកន្លែង Call ដើម្បីងាយស្រួល និងរហ័សក្នុងការប្រើប្រាស់ជាមួយ Tweak ថ្មីមួយនេះ

ប្រសិនបើប្រិយមិត្តចុចចូលកម្មវិធី Phone (កន្លែង Call) នោះប្រិយមិត្តនឹងឃើញមាន Tabs ចំនួនប្រាំដូចជា Favorite, Recent, Contact, Keypad, និង Voicemail។ វាហាក់បីដូចជារញ៉េរញ៉ៃបន្តិច ដោយសារតែពេលខ្លះយើងច្រលំដៃចុចចូល Tab ណាមួយជាហេតុធ្វើអោយយើងមានការធុញទ្រាន់។

សម្រាប់ថ្ងៃនេះដែរ ខេមបូ នឹងលើកយក Tweak មួយដែលទើបនឹងចេញអោយប្រើប្រាស់កាលពីម្សិលមិញនេះ ព្រមគ្នាជាមួយ Tweak SpringboardOrganiser គឺថ្ងៃទី 13 មីនា មកបង្ហាញជូនប្រិយមិត្ត ដើម្បីជួយអោយការប្រើប្រាស់ប្រចាំថ្ងៃកាន់តែមានភាពងាយស្រួល និងឆាប់រហ័សជាងមុន ដែល Tweak មួយនេះមានឈ្មោះថា "HideFavoritesTab Pro”។

HideFavoritesTab Pro គឺជា Tweak ដ៏ពិសេសមួយ ដោយវាអាចលាក់ ឬបង្ហាញ Tab ណាមួយនៅក្នុងកម្មវិធី Call ដែលប្រិយមិត្តពេញចិត្តអោយបង្ហាញ ឬលាក់។ Tweak មួយនេះទើបតែបង្កើតឡើង និងទើបតែដាក់អោយប្រើប្រាស់កាលពីម្សិលមិញនេះទេ ដូច្នេះបើសិនជាប្រិយមិត្តមានចំណាប់អារម្មណ៍អាចសាកល្បងតម្លើងវា បាន ដោយគ្រាន់តែអនុវត្តតាមការណែនាំដូចខាងក្រោម៖

តម្រូវការ

iDevices ដែលដំណើរការគ្រប់ប្រព័ន្ធប្រតិបត្តិការណ៍ ចាប់ពី iOS 8 ឡើងទៅ
មានការ jailbreak ត្រឹមត្រូវ និងមានតម្លើង Cydia រួចជាស្រេច

របៀបតម្លើង និងរបៀបប្រើប្រាស់ :

ចូលទៅក្នុង Cydia រួចធ្វើការ Add Source http://cydia.myrepospace.com/camboreporteam
ប្រសិនបើប្រិយមិត្តមាន Source រួចរាល់សូមធ្វើការ Refresh
សូមចូលទៅកាន់ Cydia រួចធ្វើការស្វែងពាក្យ “HideFavoritesTab Pro” (CamboReport Logo) រួចធ្វើការតម្លើងជាការស្រេច
បន្ទាប់ពីធ្វើការតម្លើងចប់ សូមធ្វើការ Respring Device របស់ប្រិយមិត្តជាការស្រេច
ប្រិយមិត្តក៏អាចចូលទៅកំណត់មុខងារទាំងនោះបានផងដែរ ដោយទីតាំងរបស់វាស្ថិតនៅ Settings > HideFavoritesTab Pro ។ បញ្ចាក់៖ បន្ទាប់ពីធ្វើការកំណត់ហើយ សូមចុចប៊ូតុង Respring។

ជាចុងក្រោយ សូមអរគុណប្រិយមិត្តទាំងអស់ដែលតែងតែគាំទ្រខេមបូ។ ខេមបូសង្ឃឹមថាប្រិយមិត្តនឹងពេញចិត្តជាមួយ Tweak មួយនេះ ហើយក្រុមការងារយើងនឹងខិតខំស្វែងរកកម្មវិធីណាដែលប្លែកសម្រាប់ ចែកជូនប្រិយមិត្ត ក៏ដូចជាចំណីអារម្មណ៍ថ្មីៗផងដែរ។

Milan Tomic

Hi. I’m Designer of Blog Magic. I’m CEO/Founder of ThemeXpose. I’m Creative Art Director, Web Designer, UI/UX Designer, Interaction Designer, Industrial Designer, Web Developer, Business Enthusiast, StartUp Enthusiast, Speaker, Writer and Photographer. Inspired to make things looks better.