Samsung ប្រកាសបង្ហាញ Power Bank ស៊េរីថ្មីមានរូបតុក្កតាសត្វស្អាតៗ គួរឲ្យទាក់ទាញ!

នាពេលថ្មីៗនេះ ក្រុមហ៊ុន Samsung បានណែនាំប្រភេទដុំផ្ទុកថាមពលអគ្គីសនីថ្មី (Power Bank) ដែលមានរូបរាងផ្នែកខាងក្រៅបួនជ្រុង និងអមជាមួយរូបសត្វផ្សេងៗជាប្រភេទតុក្កតាស្រស់ស្អាតនៅលើនោះ។ ដុំផ្ទុកថាមពលអគ្គីសនីនេះមានកំរិតផ្ទុកចាប់ពី 8400 mAh ដល់ 11300 mAh ។ បើសាកបញ្ចូលថ្មអោយ Galaxy Note 4 វិញ អាចបញ្ចូលបានពេញៗលើសពី 2 ដងទៅទៀត។

Power Bank នេះត្រូវបានហៅថា Animal Edition មានរូបភាពតុក្កតាសត្វស្អាតៗច្រើនប្រភេទនៅលើនោះ អាចឲ្យអ្នកប្រើប្រាស់ជ្រើសរើសបានដោយពេញចិត្ត។ សំរាប់ Power Bank ដែលមានរូបកូនខ្លាឃ្មុំ Panda និងសត្វចចក Fennec អាចផ្ទុកថាមពលបាន 8400 mAh ។ សំរាប់ Power Bank ដែលមានរូបខ្លាឃ្មុំ Panda ធំ និងសត្វស្វារោមពណ៌មាស អាចផ្ទុកថាមពលបានច្រើនជាងនេះ រហូតដល់ 11300 mAh ឯណោះ។ លើសពីនេះទៅទៀត អ្នកប្រើប្រាស់អាចដោនឡូដ កម្មវិធីដែលបង្ហាញពីសកម្មភាពសត្វទាំងនោះក្នុងស្មាតហ្វូនរបស់អ្នក បាននៅអំឡុងពេលសាកបញ្ចូលថ្ម ដែលមើលទៅគួរឲ្យស្រលាញ់មែនទែន។

សូមទស្សនាវីដេអូខាងក្រោម បង្ហាញពីការប្រើប្រាស់ និងរូបរាងរបស់ Power Bank នេះ ៖

បន្ថែមទៀតថា Power Bank នេះមិនទាន់បានបញ្ជាក់ពីតម្លៃ និងថ្ងៃបរិច្ឆេទដាក់លក់នៅពេលណានៅឡើយទេ ដោយនេះគ្រាន់តែជាការបង្ហាញដំណាក់កាលដំបូង ហើយមិនយូរមិនឆាប់ទេ ក្រុមហ៊ុននឹងប្រកាសពីតម្លៃ និងថ្ងៃដាក់លក់ ដូចនេះមិត្តអ្នកអានអាចរង់ចាំតាមដានពត៌មានទាក់ទងនឹង Power Bank នេះនៅពេលដែលមានវត្តមានភ្លាមជាមួយ Cambo-news ទាំងអស់គ្នាបាន។

Milan Tomic

Hi. I’m Designer of Blog Magic. I’m CEO/Founder of ThemeXpose. I’m Creative Art Director, Web Designer, UI/UX Designer, Interaction Designer, Industrial Designer, Web Developer, Business Enthusiast, StartUp Enthusiast, Speaker, Writer and Photographer. Inspired to make things looks better.