វីឌីអូបង្ហាញមុខងារ Group Play,Camera និង Motion របស់ Galaxy S4

បន្ទាប់ពីទូរស័ព្ទទំនើប Samsung Galaxy S4 ត្រូវ បានប្រកាសចេញជាផ្លូវការមក ពេលនេះក្រុមហ៊ុន Samsung ទើបតែប្រកាសចេញវីឌីអូថ្មីចំនួន បី ដែលធ្វើការណែនាំពីមុខងារ Group Play,Camera និង Motion ដែលមាននៅក្នុង Galaxy S4 ។ ការប្រកាសចេញពីវីឌីអូទាំងនេះគឺពិតជាសំខាន់ពីព្រោះពួកវាគឺ សុទ្ធសឹងតែជាវីឌីអូបង្ហាញពីការប្រើប្រាស់នូវមុខងារថ្មីៗ ដែលគេមិនធ្លាប់ជួបពីមុនមក ហើយយើងអាចនិយាយបានថាជាបច្ចេកវិទ្យាថ្មីដែលមាននៅលើទូរស័ព្ទ ស្រឡាយ Galaxy S ជំនាន់ថ្មីរបស់ ក្រុមហ៊ុន Samsung ។

ជាមួយនឹងទូរស័ព្ទទំនើប Samsung Galaxy S4 ក្រុមហ៊ុន Samsung ធ្លាប់បានប្រកាសចេញនូវវីឌីអូជាច្រើនដែលបង្ហាញពីលក្ខណសម្បត្តិ មួយចំនួនរបស់ទូរស័ព្ទនេះ មានដូចជា មុខងារ S Translator, Dual Camera និង Air View ។ ដោយឡែកពេលនេះក្រុមហ៊ុនទើបតែប្រកាសចេញនូវវីឌីអូចំនួនបីបន្ថែម ទៀតដែលបង្ហាញពីមុខងារដូចជា Group Play,Camera និង Motion របស់ Galaxy S4 ។ ដូច្នេះដើម្បីជ្រាបថា មុខងារនីមួយៗត្រូវប្រើដោយរបៀបណានិងមានលក្ខណសម្បត្តិអ្វីខ្លះ នោះ សូមទស្សនាវីឌីអូខាងក្រោមទាំងអស់គ្នា ។

1 មុខងារ Group Play (ចាក់សំឡេងជាក្រុម) :
មុខងារ Group Play គឺអាចឲ្យម្ចាស់ទូរស័ព្ទ Galaxy S4 ទាំងអស់ធ្វើការភ្ជាប់ទំនាក់ទំនងគ្នាតាមរយៈប្រព័ន្ធ wireless ដើម្បីលេងហ្គេមជាមួយគ្នា ចែករំលែក រូបភាព វីឌីអូ និងឯកសារផ្សេងៗទៀត ។ ដូច្នេះគេនឹងអាចស្ដាប់ចម្រៀងតែមួយជាមួយគ្នាតាមរយៈ ទូរស័ព្ទផ្សេងៗគ្នា នឹងបង្កើតបានជាតូរ្យតន្ត្រីយ៉ាងពីរោះរណ្ដំ ។
វីឌីអូ៖

2 មុខងារ Camera
ចំពោះមុខងារកាមេរ៉ាគឺគេអាចធ្វើការថតរូបដោយប្រើ កាមេរ៉ាពីរក្នុងពេលតែមួយគឺកាមេរ៉ាមុខនិងកាមេរ៉ាក្រោយ តាមរយៈនេះយើងអាចថតរូបយើងដែលចាប់ដោយកាមេរ៉ាមុខរួចបោះ បញ្ចូលទៅលើរូបដែលកំពុងថតនៅផ្នែកខាងក្រោយដោយជ្រើសរើសទីតាំង និងកំណត់ទម្រង់ឲ្យរូបផ្នែកខាងមុខនោះ ។
វីឌីអូ៖

3 មុខងារ Motion
រីឯមុខងារ Motion គឺជាមុខងារដែលពិសេសជាងគេ ពីព្រោះតាមរយៈមុខងារនេះគេអាចបញ្ជាទូរស័ព្ទបានដោយមិនចាំបាច់ ប៉ះទៅដល់អេក្រង់ផ្ទាល់គឺគ្រាន់តែបញ្ជាតាមតាមរយៈការប្រើជា កាយវិការតែប៉ុណ្ណោះ ។
វីឌីអូ៖

បន្ទាប់ពីទស្សនាវីឌីអូខាងលើ និងបានឈ្វេងយល់កាន់តែច្បាស់ពីលក្ខណសម្បត្តិ មុខងារថ្មីៗដែលយើងមិនធ្លាប់ជួបពីមុនរបស់ទូរស័ព្ទ Galaxy S4 តើប្រិយមិត្តចាប់អារម្មណ៍ទៅលើទូរស័ព្ទថ្មីនេះឬទេ ?

Milan Tomic

Hi. I’m Designer of Blog Magic. I’m CEO/Founder of ThemeXpose. I’m Creative Art Director, Web Designer, UI/UX Designer, Interaction Designer, Industrial Designer, Web Developer, Business Enthusiast, StartUp Enthusiast, Speaker, Writer and Photographer. Inspired to make things looks better.