Control Center ក៏មាននៅលើ Android ដែរដោយគ្រាន់តែតម្លើងកម្មវិធីមួយនេះ

Control Center គឺជាកម្មវិធីមួយដែលមានភ្ជាប់មកស្រាប់ជាមួយនឹងឧបករណ៍ iDevice (iPhone, iPad, និង iPod Touch) ដែលវាមានតួនាទីអាចបើកមុខងារផ្សេងៗបានយ៉ាងលឿនដូចជា អ៊ីនធើណេត Wifi ពន្លឺ ពិល និងកម្មវិធីផ្សេងៗទៀត ទៅតាមអ្វីដែលយើងបានកំណត់។ ហើយអ្វីដែលអស្ចារ្យជាងនេះទៅទៀតនោះគឺ វាមិនមែនអាចបើកត្រឹមតែនៅលើ Home Screen ប៉ុណ្ណោះទេ ទោះបីជាក្នុងកម្មវិធី ឬកំពុងលេងហ្គេមក៏អាចកែសម្រួលវាបានផងដែរ។

យ៉ាងណាមិញ Control Center គឺមានប្រើប្រាស់តែនៅលើប្រព័ន្ធ iOS ប៉ុណ្ណោះ ប៉ុន្តែទោះបីជាយ៉ាងណាក៏ដោយ យើងក៏នៅតែមានវិធីសម្រាប់ជួយដោះស្រាយបញ្ហារបស់ប្រិយមិត្តផងដែរ។

សម្រាប់ថ្ងៃនេះខេមបូ សូមលើកយកពីកម្មវិធីមួយដែលវាអាចអោយប្រិយមិត្តធ្វើការកែសម្រួលបានដូច Control Center ដែរ ហើយសម្រាប់ទំហំរបស់កម្មវិធីមួយនេះគឺមិនដល់ 1MB ទេ។ ប្រិយមិត្តអាចតម្លើងវាបានដោយគ្រាន់តែអនុវត្តតាមការណែនាំដូចខាងក្រោម៖

តម្រូវការ

Device ដែលដំណើរការដោយប្រព័ន្ធប្រតិបត្តិការ Android 2.3 ឡើង
Device មិនទាន់ Root ក៏អាចតម្លើងបានផងដែរ។

របៀបតម្លើង និងរបៀបប្រើប្រាស់ :

សូមទាញយក នៅទៅនេះ
បន្ទាប់ពីតម្លើងចប់វានឹងដំណើរការដោយស្វ័យប្រវត្តិ ហើយប្រិយមិត្តក៏អាចកែសម្រួលមុខងារផ្សេងៗបានដោយគ្រាន់តែចូលទៅកាន់កម្មវិធី Control Center នេះផ្ទាល់តែម្តង។

ជាចុងក្រោយក្រុមការងាររបស់ខេមបូសូមអរគុណដល់ប្រិយមិត្តដែលតែងតែគាំទ្រដល់ខេមបូនឹងខិតខំស្វែងរកកម្មវិធីពិសេសៗជាច្រើនដើម្បីចែកជូនប្រិយមិត្តនៅពេលក្រោយទៀត។

Milan Tomic

Hi. I’m Designer of Blog Magic. I’m CEO/Founder of ThemeXpose. I’m Creative Art Director, Web Designer, UI/UX Designer, Interaction Designer, Industrial Designer, Web Developer, Business Enthusiast, StartUp Enthusiast, Speaker, Writer and Photographer. Inspired to make things looks better.