ទីបំផុត Apple ដាក់បង្ហាញ MacBook អេក្រង់ 12 អ៊ីញ អមជាមួយពណ៌មាសជាផ្លូវការហើយ!

នៅក្នុងព្រឹត្តិការណ៍របស់ក្រុមហ៊ុន Apple ត្រូវនឹងថ្ងៃទី 9 ខែមីនា ហើយក៏ត្រូវជាថ្ងៃនេះនៅក្នុងសហរដ្ឋអាមេរិក ចំនែកប្រទេសកម្ពុជាឈានដល់ថ្ងៃទី 10 ខែមីនា ហើយ។ ក្រុមហ៊ុន Apple ពិតជាបានដាក់បង្ហាញនាឡិកាឆ្លាតវៃ Apple Watch នៅក្នុងព្រឹត្តិការណ៍នោះ ហើយក៏បានដាក់បង្ហាញនូវ MacBook ចំនួន 2 ម៉ូឌែលទៀតដែលមានដូចជា MacBook អេក្រង់ 12 អ៊ីញ និង MacBook Pro មួយទៀត ដែលម៉ូឌែលទាំងនេះសុទ្ធតែមានជម្រើសពណ៌មាស។

សំរាប់ MacBook ដែលមានអេក្រង់ 12 អ៊ីញ, មានកំរាស់ស្តើងត្រឹមតែ 13.1 មីលីម៉ែត្រនោះមិនត្រូវបានហៅថាជា MacBook Air នោះទេ ដោយជំនួសមកជា MacBook វិញ។ ដោយ MacBook មានដាក់លក់នៅលើទីផ្សារសព្វថ្ងៃនេះមានកំរាស់ 17.3 មីលីម៉ែត្រដែលក្រាស់ជាង MacBook អេក្រង់ 12 អ៊ីញនេះ។ MacBook អេក្រង់ 12 អ៊ីញនេះមានតួខ្លួនស្របដោយលោហៈធាតុ និងដែកថែប ដោយមានការផ្លាស់ប្តូររូបថ្មីរបស់ក្តារចុច និងរូបរាងច្រើនខុសប្លែកពីម៉ូឌែលមុនៗ ហើយសំរាប់ប៊ូតុងរបស់ក្តារចុចនីមួយៗនៅតែមានពន្លឺ LED ដដែល។

សំរាប់ MacBook អេក្រង់ 12 អ៊ីញនេះ មានកំរិតបង្ហាញរូបភាព 2304 X 1440 ភិចសែល ពីជ្រុងមួយទៅជ្រុងមួយនៃកញ្ចក់អេក្រង់, ការឌីហ្សាញបង្កើតឡើងដោយគ្មានកង្ហារនៅខាងក្នុង, បំពាក់មកជាមួយបន្ទះឈីបស៊ីភីយូ 1.3 GHz Intel Core M Processor ដែលអាច Turbocharged ឡើងរហូតដល់ 2.9 GHz, នៅលើ MacBook ថ្មីនេះមានការផ្លាស់ប្តូរ និងបន្ថែមមុខងារផ្សេងៗច្រើន ទាំង Hardware និងរូបភាពខាងក្រៅ ហើយថាមពលថ្មវិញអាចប្រើប្រាស់បានយូរជាងមុន។ MacBook ថ្មីនេះអាចភ្ជាប់ប្រើប្រាស់ខ្សែ VGA, HDMI, DisplayPort, USB និងសាកបញ្ចូលថាមពលបានតាមរយៈរន្ធ USB-C តែមួយ។

បញ្ជាក់ឲ្យកាន់តែច្បាស់ថា MacBook ថ្មីនេះមានពណ៌មាស, ពណ៌ប្រផេះក្រម៉ៅ និងពណ៌ទឹកប្រាក់ ហើយតម្លៃដំបូងប្រមាណ 1,299 ដុល្លារ មានអង្គផ្ទុកទិន្នន័យ 256GB និងមានរ៉េម 8GB ។ បើអ្នកប្រើប្រាស់ចង់បានអង្គផ្ទុកទិន្នន័យធំជាងនេះ និងបន្ទះដំនើរការលឿនជាងនេះ ត្រូវបន្ថែម 300 ដុល្លារពីលើនឹងទៀត ដែលស្មើនឹង 1,599 ដុល្លារ។ MacBook ថ្មីនេះនឹងដាក់លក់នៅថ្ងៃទី 10 ខែមេសា ខាងមុខនេះ។

Milan Tomic

Hi. I’m Designer of Blog Magic. I’m CEO/Founder of ThemeXpose. I’m Creative Art Director, Web Designer, UI/UX Designer, Interaction Designer, Industrial Designer, Web Developer, Business Enthusiast, StartUp Enthusiast, Speaker, Writer and Photographer. Inspired to make things looks better.