មានអ្វីប្លែក និងថ្មីក្នុង Android Lollipop 5.1 ខ្លះទៅ?

ប្រិយមិត្តមួយចំនួនធំប្រហែលជានៅមិនទាន់បាន សាកល្បង ប្រើប្រាស់ Android 5.0 Lollipop នៅឡើយទេ ប៉ុន្តែ នៅពេលនេះ ក្រុមហ៊ុន Google បាន បញ្ចេញកំណែ អាប់ដេត Lollipop 5.1 ហើយ។ នៅក្នុង កំណែអាប់ ដេតនេះ ពពួកទូរស័ព្ទ និងថេប្លេត Nexus មានវាសនា បានប្រើប្រាស់ មុនគេបង្អស់ ហើយ បន្ទាប់មកទៀត ទើប ពពួកទូរស័ព្ទ ម៉ាកផ្សេង។ កំណែអាប់ ដេតនេះ វាមានផ្ទុក ទៅដោយ អ្វីជាច្រើន មិន តូចតាច នោះទេ ហើយវាក៏ ជួយធ្វើអោយ ទូរស័ព្ទដំណើរ ការបានរលូន ស្រួលជាង មុនគួរអោយ កត់សម្គាល់ ផងដែរ។ វាមានបន្ថែម មុខងារប្រើ ប្រាស់ស៊ីមពីរ មុខងារ ការពារ ឧបករណ៍ និងមុខងារ Call ជាសម្លេង HD ជាដើម។ ខាងក្រោម នេះគឺជា មុខងារថ្មីៗដែល យើងឃើញមាន នៅក្នុង Android 5.1។

ភ្លើង LED ដែលអាចបំភ្លឺ រឺមិន ទៅតាមប្រភេទសំលេងរោទិ៍ដែលអ្នកបានកំណត់
របារ Wi-Fi រូបរាងថ្មី ដែលស្រស់ស្អាត ងាយស្រួលបើក និងប្រើប្រាស់ជាងមុន
របារ Bluetooth ថ្មី ដែលប្រើបានរហ័សជាងមុន ដោយវានឹងបង្ហាញឈ្មោះឧបករណ៍នៅខាងក្រោមរបារនោះ
របៀបដោះសោរថ្មី ដែលគ្រាន់តែអូសពីលើចុះក្រោម
យើងអាចបន្ថែម រឺលុបចោលនូវរបារ Inver color/ Wi-Fi Hotspot ចេញពី របារខាងលើបាន
មានមុខងារ Screen Pining ដែលព្យួរកម្មវិធីយើងចូលចិត្តប្រើប្រាស់នៅមុខគេជានិច្ច
សារដំណឹងដែលបង្ហាញលើផ្ទៃ Lockscreen អាចអូសដាក់ជាន់គ្នាបាន
កម្មវិធីហៅទូរស័ព្ទចេញមានពណ៌ថ្មី ហើយកន្លែង Contact ក៏បានកែសម្រួលអោយមានលក្ខណៈ Material Design ផងដែរ។

សូមទស្សនាវីដេអូដើម្បីឃើញពីមុខងារថ្មីៗនៅលើ Android 5.1

ខាងលើនេះគ្រាន់តែជាការផ្លាស់ប្តូរមុខមាត់របស់វាមួយចំនួនប៉ុណ្ណោះ ជាក់ស្តែង Android Lollipop 5.1 ក៏បានកែសម្រួលនូវបញ្ហជាជាច្រើនទៀតដែរដូចជា

ជួយអោយ RAM ដំណើរការបានល្អ និងរហ័ស
ប្រព័ន្ធ System មានស្ថេរភាពក្នុងការប្រើប្រាស់ជាងមុន
បន្ថែមមុខងារ Silent Mode ដែលកាលពី Android 5.0 គ្មាន
ដោះស្រាយបញ្ហា ដែលកម្មវិធីណាមួយបិទដោយឯកឯង
សន្សំសំចៃថ្មជាងមុន ពេលប្រើប្រាស់ប្រព័ន្ធ Wi-Fi
បញ្ហាពេលភ្ជាប់បណ្តាញ Wi-Fi ត្រូវបានដោះស្រាយ
បញ្ហាពេលបញ្ជា Ok Google ត្រូវបានដោះស្រាយ
បញ្ហា Notification ត្រូវបានដោះស្រាយ
បញ្ហាសម្លេងក៏ត្រូវបានដោះស្រាយផងដែរ
មានការកែសម្រួលអ្វីៗជាច្រើនទៀត

សម្រាប់អ្នកដែលប្រើប្រាស់ឧបករណ៍ Nexus អ្នកនឹងមានវាសនាបានប្រើប្រាស់ Android 5.1 មុនគេបង្អស់ ហើយសម្រាប់ទូរស័ព្ទម៉ូឌែលផ្សេងទៀត អ្នកក៏អាចនឹងទទួលបានកំណែអាប់ដេតនេះបានផងដែរ អាស្រ័យទៅលើក្រុមហ៊ុនផលិតទូរស័ព្ទអ្នក។ កំណែអាប់ដេតនេះវាមិនមែនជាកំណែអាប់ដេតតូចតាចនោះទេ ព្រោះអីវាមានដោះស្រាយបញ្ហាច្រើន ដែលអ្នកកំពុងប្រើ Lollipop 5.0.x កំពុងជួបប្រទះ ជាក់ស្តែងដូចជាល្បឿន និងបញ្ហារ៉េមជាដើម។

Milan Tomic

Hi. I’m Designer of Blog Magic. I’m CEO/Founder of ThemeXpose. I’m Creative Art Director, Web Designer, UI/UX Designer, Interaction Designer, Industrial Designer, Web Developer, Business Enthusiast, StartUp Enthusiast, Speaker, Writer and Photographer. Inspired to make things looks better.