របៀបប្រើ NFC ក្នុង Android

បច្ចេកវិទ្យា Near Field Communication (NFC) ត្រូវបានស្គាល់ថា ជាវិធីសាស្ត្រថ្មីមួយក្នុងការចែករំលែកឯកសារពីឧបករណ៍ទំនើប (ទូរស័ព្ទ និង កុំព្យូទ័របន្ទះស្ដើង tablet)មួយទៅកាន់ឧបករណ៍មួយទៀតជាមួយល្បឿនលឿនជាង Bluetooth ដែល កំពុងពេញនិយមប្រើក្នុងពេលបច្ចុប្បន្ន ។ បច្ចេកវិទ្យា NFC មិនត្រឹមតែអាចធ្វើការចែករំលែកឯកសារប៉ុណ្ណោះទេ បច្ចុប្បន្នមានក្រុមហ៊ុនមួយចំនួនបាននាំយកនូវបច្ចេកវិទ្យានេះ ប្រើសម្រាប់ជាកាតសុវត្ថិភាព( secure keycards) និង នាមប័ណ្ណ(business card) ផងដែរ ។
ដោយសារតែទូរស័ព្ទទំនើប Android មួយចំនួនត្រូវបានបំពាក់នូវ NFC ដូច្នេះយើងខ្ញុំសូមនាំយកនូវវិធីសាស្ត្រប្រើប្រាស់បច្ចេកវិទ្យា ថ្មីនេះសម្រាប់លោកអ្នកអាចចែករំលែកឯកសារបានរហ័សជាងការប្រើ Bluetooth ។
ធ្វើយ៉ាងម៉េចទើបដឹងថា ទូរស័ព្ទ ឬកុំព្យូទ័របន្ទះស្ដើង Adnroid របស់អ្នកមានបំពាក់បច្ចេកវិទ្យា NFC ?

នៅលើឧបករណ៍ Android ចូលទៅកាន់ Setting
នៅខាងក្រោម Wireless & Networks ចុចលើ More
ទាញចុះក្រោមអ្នកនឹងឃើញ NFC និងមុខងារ Android Beam

បើក NFC ឲ្យដំណើរការ ៖

នៅលើឧបករណ៍ Android ចូលទៅកាន់ Setting
នៅខាងក្រោម Wireless & Networks ចុចលើ More
ទាញចុះក្រោមអ្នកនឹងឃើញ NFC រួចអូស button ទៅម្ខាងដើម្បីដំណើរការ ពេលនោះមុខងា Android Beam នឹងដំណើរការដោយស្វ័យប្រវត្តិ
ប្រសិនបើ Android Beam មិនដំណើរការ សូមអូស button ទៅជ្រុងម្ខាងនោះវានឹងដំណើរការ

NFC របស់ទូរស័ព្ទទំនើបអាចចែកចាយ និងទទួលឯកសារជាបន្តបន្ទាប់តាមរយៈមុខងារ Adnroid Beam ។ ប្រសិនបើ Android Beam មិនដំណើរការនោះការប្រើ NFC នឹងមានកំណត់ ។
ការចែកចាយឯកសារតាមរយៈ NFC ៖
ទាំងឧបករណ៍ដែលផ្ញើចេញ និងទទួលត្រូវបើកឲ្យដំណើរការមុខងារ NFC និង Android Beam
ឧបករណ៍ផ្សេងដែលនៅក្បែរ និងមានបំពាក់ NFC គួរតែកំណត់ឲ្យជាប់សោ (locked)
ដាក់ឧបករណ៍បែរខ្នងជាប់គ្នា អ្នកនឹងទទួលបានទាំងសំឡេង និងសញ្ញាបញ្ជាក់នៅពេលឧបករណ៍ទាំងពីរបានភ្ជាប់ទំនាក់ទំនងគ្នា
សូមកុំដាក់ឧបករណ៍ឲ្យនៅឆ្ងាយពីគ្នារហូតដល់ឯកសារត្រូវបានចាប់ផ្ដើមបញ្ជូនចេញ និងទទួល
អ្នកនឹងទទួលបានសំឡេងបញ្ជាក់នៅពេលឯកសារត្រូវបានផ្ញើចេញរួចរាល់

របៀបប្រើ NFC ៖
បន្ទាប់ពីបើកមុខ NFC ឲ្យដំណើរការនៅលើឧបករណ៍ទាំងពីរលោកអ្នកអាចចែកចាយនូវទិន្នន័យជា ច្រើនដូចជា វីឌីអូ រូបភាព ផែនទី Google តំណភ្ជាប់កម្មវិធីនៅលើ Google Play Store ខ្លឹមសារនៅលើវេបសាយ ព័ត៌មានទំនាក់ទំនង (contact info) ផ្ញើតំណភ្ជាប់វីឌីអូកំពុងទស្សនាលើ Youtube និងទិន្នន័យផ្សេងៗទៀតផងដែរ ។

សូមចូលទៅកាន់ទិន្នន័យដែលអ្នកចង់ចែករំលែកដូចជា វីឌីអូ ឬ រូបភាពជាដើម
ដាក់ឧបករណ៍បែរខ្នងរកគ្នាដើម្បីអាចភ្ជាប់ទំនាក់ទំនងបាន
ធ្វើការរង់ចាំសំឡេង និងសញ្ញាបញ្ជាក់ពីទំនាក់ទំនងបានជោគជ័យរបស់ឧបករណ៍ទាំងពីរ
សម្រាប់ឧបករណ៍ដែលផ្ញើចេញនឹងមានលោតពាក្យថា ‘Touch to beam‘ នៅផ្នែកខាងលើនៃអេក្រង់
បន្ទាប់មកសូមធ្វើការចុចទៅលើ screen របស់ឧបករណ៍ដែលត្រូវផ្ញើចេញ នោះទិន្នន័យនឹងចាប់ផ្ដើមផ្ញើចេញ(អាចនឹងមានសំឡេងបញ្ជាក់នៅពេល ចាប់ផ្ដើមផ្ញើចេញ)
នៅពេលទិន្នន័យត្រូវបានផ្ញើចេញរួចរាល់អ្នកនឹងទទួលបានសំឡេងបញ្ជាក់ពីការផ្ញើបានជោគជ័យ
ដើម្បីជ្រាបកាន់តែច្បាស់ពីការប្រើមុខងារ NFC លើឧបករណ៍ Android សូមទស្សនាវីឌីអូខាងក្រោមចាប់ពីដើមរហូតដល់នាទី 5 បន្ទាប់ពីនាទីនេះគឺ ជាប្រើ NFC ជាមួយនឹងឧបករណ៍ជំនួយ NFC Tags ។

Milan Tomic

Hi. I’m Designer of Blog Magic. I’m CEO/Founder of ThemeXpose. I’m Creative Art Director, Web Designer, UI/UX Designer, Interaction Designer, Industrial Designer, Web Developer, Business Enthusiast, StartUp Enthusiast, Speaker, Writer and Photographer. Inspired to make things looks better.